ការពង្រឹងសំឡេងរបស់យើង ដើម្បីបម្រើសហគមន៍របស់យើងកាន់តែប្រសើរ 

នៅឆ្នាំ២០១៥ ចំនួនប្រជាជនដែលមានអាយុ៦០ឆ្នាំឡើងទៅ ត្រូវបានប៉ាន់ស្មានមានចំនួន១,៣លាននាក់ ស្មើនឹង៨,៣%នៃចំនួនប្រជាជនសរុប។ ការព្យាករណ៍បង្ហាញថា មកដល់ឆ្នាំ២០៥០ ចំនួនចាស់ជរានឹងកើនដល់ប្រមាណ៥លាននាក់ ស្មើនឹង២១%នៃចំនួនប្រជាជនកម្ពុជាសរុប។ 

ចាស់ជរាជាង៨០% រស់នៅតំបន់ជនបទ អត់ចេះអក្សរ ហើយប្រមាណ២៥% រស់នៅក្រោមបន្ទាត់ភាពក្រីក្រ (១,២៥ដុល្លារក្នុងមួយថ្ងៃ)។ បច្ចុប្បន្ន គ្មានប្រព័ន្ធសោធននិវត្តន៍ ឬអត្ថប្រយោជន៍សង្គមផ្សេងទៀត ក្រៅពីមន្ត្រីរាជការទេ។ ដូច្នេះ ជនចាស់ជរាកម្ពុជាមានបណ្តាញការពារសង្គមតិចតួចណាស់ ជាពិសេសនៅពេលពួកគាត់មិនអាចពឹងអាស្រ័យសមាជិកគ្រួសារបាន ឬនៅពេលពួកគាត់ជាមេគ្រួសារ។ 

ថ្មីៗនេះ រាជរដ្ឋាភិបាលបានអនុម័តគោលនយោបាយចំនួនបីគាំទ្រដល់ជនចាស់ជរា ដូចជា "គោលនយោបាយជាតិស្តីពីចាស់ជរា ២០១៧-២០៣០" "គោលនយោបាយ និងយុទ្ធសាស្ត្រថែទាំសុខភាពជាតិសម្រាប់ជនចាស់ជរា ២០១៦" និង "ក្របខណ្ឌគោលនយោបាយការពារសង្គមជាតិ"។ ប៉ុន្តែ នៅតែមានចម្ងល់ថាតើគោលនយោបាយទាំងនោះនឹងអនុវត្តប្រកបដោយប្រសិទ្ធភាពកម្រិតណា និងតើសំឡេងរបស់ជនចាស់ជរាទៅដល់អ្នកតាក់តែងគោលនយោបាយកម្រិតណា។ 

អង្គការមនុស្សចាស់កម្ពុជា ដោយមានការគាំទ្រថវិកាពីកម្មវិធី Voice បានគាំទ្រដល់ការបង្កើតបណ្តាញមនុស្សវ័យចាស់កម្ពុជា (CAN) ដែលរំពឹងថានឹងក្លាយជាវេទិកាមួយសម្រាប់បំពងសំឡេងរបស់ជនចាស់ជរា ជាពិសេសអ្នកដែលងាយរងគ្រោះបំផុត ទៅកាន់សាធារណជន និងអ្នកតាក់តែងគោលនយោបាយ ដើម្បីអនុវត្តគោលនយោបាយ និងលើកកម្ពស់គុណភាពជីវិត។